ممكن سؤال

السلام عليكم الاول

انا بدات اتعلم كوردات الجيتار وبصراحة استافدت كتير اوي اوي من كتب اصنع بنا نهضتك

بسمع الترنيمة اكتر من مرة بحيث احفظ المزيكا بتاعتها وبعد كده امشي بالكتاب مع كورداتها

بس ليا كذا استفسار :

1- في مثلا ترنيمة بتبدأ من AM هل ممكن ابدأها انا من C مثلا ؟؟؟ ولا كده يبقى نشاذ


2- الكوردات اللي بتتحط متروكة لذوق اللي بيعذف ولا مش ينفع يخرج برة الكوردات الموجودة في الكتاب بالنسبة للترانيم

انا طبعا لسه بتعلم يعني يارب العبها صح وفي وقتها من غير ما اهنج في النص خصوصا ان كوردات الجيتار زفت

بس حسيت بأن الموضوع نوعا ما بيحكمه ذوق اللي بيعزف فحبيت اتاكد

ولا ده كده يبقى غلط ؟؟؟

3- يا ترى في تدريبات او كده تساعد الواحد انه ينقل ايديه بسهولة من كورد لكورد في كل السلالم ؟؟؟

ارجو اني اكون وصلت النقط بتاعتي صح وماكنش ازعجتكم

هو ليه مش فيه رد ؟؟؟

بس ليا كذا استفسار :

1- في مثلا ترنيمة بتبدأ من AM هل ممكن ابدأها انا من C مثلا ؟؟؟ ولا كده يبقى نشاذ
لأ مش هينفع

2- الكوردات اللي بتتحط متروكة لذوق اللي بيعذف ولا مش ينفع يخرج برة الكوردات الموجودة في الكتاب بالنسبة للترانيم
الكوردات أذواق لإنها عبارة عن هارموني مع اللحن الأصلي ، ممكن الكورد يكون ليه أكتر من بديل وكلهم صح وحلوين ، لكن السؤال انت شايف ايه أحلى كورد منهم

3- يا ترى في تدريبات او كده تساعد الواحد انه ينقل ايديه بسهولة من كورد لكورد في كل السلالم ؟؟؟
بصراحة مش عارف .. أحسن تدريب هو إنك تعزف وتتمرن على ترانيم مختلفة بإستمرار ومع الوقت هتلاحظ إنك بتتقدم

ارجو اني اكون وصلت النقط بتاعتي صح وماكنش ازعجتكم
إطلاقاً أهلاً وسهلاً بيك في أي وقت

شكرا ليك ولردك ربنا يجازيك خير