منتديات كوردات

محدش غصبك

اذهب الى الأسفل

محدش غصبك Empty محدش غصبك

مُساهمة من طرف jassy في الخميس أكتوبر 29, 2009 10:23 pm

بارادتك ومحدش غصبك
ولا غيرك على ايدك ضربك
تبعد عن حضن اللي حبك
وتتوه بمزاجك عن دربك


ولو الشيطان ضحك عليك
وزين الغلط في عينيك
ليه حطيت ايده في ايديك؟


هتقول: حيله معايا كتيرة
وأنا غلبان وقليل الحيلة
وبألأعيبه الشريرة
صور لي الخطية جميلة


بس الهك اداك عقل
وقدرة كبيرة على التمييز
لكن أنت بحماقة وجهل
شفت المرّ كأنه لذيذ
سبت الغالي رب الكل
مع انه خلاك ابن عزيز
ودلوقتي بتسأل ايه الحل
ماهو قدامك! حاجة تغيظ!


ارجع قبل فوات الأوان
وارتمي في أدفى الأحضان
دي ياما ضمتك زمان
ولسه الفرصة متاحة الان

الدنيا خادعة وغدارة
ليه هتسيبها تلعب بيك؟
دقت فيها ايه غير مرارة!
من جريك ورا شيْ مش ليك
حتى ان كان قلبك حجارة
برضه ربنا مستنيك
دمعة توبة تسيل بحرارة
ودمه لما هيغطيك
هيعوض كل الخسارة
وبكرة مايبقاش زي ماضيك
jassy
jassy

عدد الرسائل : 114
العمر : 34
تاريخ التسجيل : 09/02/2008

http://jassyousri.multiply.com

الرجوع الى أعلى الصفحة اذهب الى الأسفل

محدش غصبك Empty رد: محدش غصبك

مُساهمة من طرف misho في السبت أكتوبر 31, 2009 11:56 pm

بس الهك اداك عقل
وقدرة كبيرة على التمييز
لكن أنت بحماقة وجهل
شفت المرّ كأنه لذيذ
سبت الغالي رب الكل
مع انه خلاك ابن عزيز
ودلوقتي بتسأل ايه الحل
ماهو قدامك! حاجة تغيظ!

شكرا للكمات الحوة دى وفعلا حاجة تغيط اننا احيانا نسال فين الحل وهو قدامنا

misho
misho

عدد الرسائل : 130
العمر : 34
الموقع : Egypt
تاريخ التسجيل : 08/03/2009

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى